Ma tha sibh airson fios fhaighinn nuair a tha sgeulachdan ùr againn carson nach tadhal sibh air Twitter neo Pownce far am bidh na cinn-naidheachd as ùire a’ nochdadh.

Naidheachdan Pinc air Twitter

Naidheachdan Pinc air Pownce

B’ ann air an 6mh den Chèitean 1868 a thàinig am facal “homosexuality” gu bith.

Ro seo cha robh ach beagan faclan neo-phàirteach ann airson tuairisgeul a thoirt air tarraing co-sheòrsachd. Bha faclan a leithid bugger, molly, sodomite neo pederast cumanta ach aig àm nuair a bha luchd-tagraidh a’ bruidhinn a-mach airson còraichean LGBT bha feum aca air faclan ùr a chruthachadh.

B’ e Karl Heinrich Ulrichs a’ chiad daoine a chur facal air tarraing co-sheòrsach. Mhìnich Ulrichs mar seo e:

Urning: “male bodies person with a female psyche” aig a bheil tarraing gu fireannaich eile.

Urningin: “female bodied person with a male psyche” aig a bheil tarraing gu boireannaich eile.

Urninthum: a’ ciallachadh co-sheòrsachd neo homosexuality anns a’ Bheurla.

Ach ann an 1868 chruthaich facal ùr air a shon, Homosexualität bhon facal Greugach homo- (same) agus am facal Laideannach sexualis (sex). Chleachd Kertbeny am facal seo airson a’ chiad tùras ann an litir a chur e gu Ulrichs an 6mh den Chèitean 1868 agus mean air mhean thòisich barrachd ’s barrachd daoine anns a’ Ghearmailt ga chleachdadh.

Dh’fhàs am facal homosexual nas cumanta anns a’ Bheurla an dèidh 1895 nuair a rinn Charles Gilbert Chaddock eadar-theangachadh dhen leabhar Psychopathia Sexualis agus nuair a thòisich Sigmund Freud ga chleachdadh anns na leabhraichean agus anns na h-òraidean aige.

Ach gu ìre mhòr cha robh am facal homosexual stèidhichte gu ruige na 1930′an nuair a thòisich a’ mhòr-chuid a’ cleachdadh homosexual, heterosexual agus bisexual.

Bhàsaich Kertbeny ann an 1882 air sgàth ’s stròc agus chaidh ga thoidhlacadh ann an Kerespi Cemetry ann am Budapest. Ann an 2002 chur an coimhearsnachd LGBT leac ùr air an uaigh aige agus bidh iad a-nis a’ cur blàth-fhleasg ùr air a h-uile tùras ’s a bhios fèis LGBT ann am Budapest.

Tha co-ghnèitheach air a bhith ga chur an grèim anns na h-Eileanan Cayman airson pòg a thoirt dhan companach aige fhad ’s a bha iad air saor-làithean anns a’ Chairibìan.

Chaidh casaidean a dhèanamh an aghaidh Aaron Chandler agus an companach aige le daoine eile a bha a’ fuireach aig Royal Palms Resort. Thug neach-poilis rabhadh dhaibh nach bu chòir dhaibh pòg gu poblach agus nuair a phòg iad ann an club an oidhche sin chaidh Mgr Chandler ga chur an grèim.

Tha an sgeulachd seo air a bhith gu math connspaideach air sgàth ’s gu bheil na h-Eileanan Cayman na coloinidh Bhreatainneach far a bheil co-sheòrsachd laghail.

Chaidh co-sheòrsach a dhèanamh laghail anns na h-Eileanan Cayman ann an 2000 ach tha fhathast laghan ann a tha a’ cur bacadh air co-sheòrsaich a’ taisbeanach an gaol aca gu poblach gu h-àraidh ma tha iad a’ cur dragh air daoin eile.

Tha triùir anns an Eilean Lesbos, a’ Ghrèig, a’ toirt buidheann LGBT gu lagh air sgàth ’s gu bheil iad a’ cleachdadh am facal leasbach anns an ainm aca.

Tha iad ag ràdh gu bheil ainm a’ bhuidheann Homosexual and lesbian community of Greece a’ dèanamh oilbheum dhaibh air sgàth ’s gu bheil am facal Leasbach a’ ciallachadh cuideigin às an Eilean Lesbos.

“Chan urrainn do mo phiuthar ag ràdh gur e Leasbach a th’ innte,” arsa Dimitris Lambrou. “Tha an fèin-aithne againn air a bhith a’ gabhail bhuainn gu choir le boireannaich aig nach eil ceanglaichean ris an Eilean Lesbos.”

“Chan e gnìomh ionnsaigheach an-aghaidh leasbaich a th’ ann,” ars e. “Faodaidh iad tighinn gu Lesbos, pòsadh neo rud sam bith a thogras iad a dhèanamh. Ach tha sinn airson am facal leasbach a chur às dhan ainm aca.”

Tha Riaghaltas na Bhreatainn air innse dhan Comhairle Eòrpach gu bheil iad a’ coimhead air còraichean LGBT leasachadh ann an Gibraltar.

Tha fhathast aois-aontachaidh neo-ionann aig a’ choloinidh Bhreatainneach agus tha seo a’ dol an-aghaidh Cùmhnant Eòrpach nan Còraichean Daonna.

A bharrachd air seo tha buggery agus gross-indecency fhathast mì-làghail ged a tha iad gan cleachdadh an-aghaidh co-ghnèithich a-mhàin.

Tha BPE (Ball Pàrlamaid na h-Eòrpa) Michael Cashman air a bhith a’ bruidhinn ri Gordon Brown mu dheidhinn a’ chuspair connspaideach agus tha an Comhaire Eòrpach air an aithris seo a chur a-mach:

“Tha an Rìoghachd Aonaichte air daingeachadh an dealas aice airson cuspairean leasbeach, co-ghnèitheach, dà-ghnèitheach agus tar-ghnèitheach agus air comharrachadh gu bheil Riaghaltas na Gibraltar eòlach air dè cho cudromach ’s a tha an cùmhnant, gu h-àraidh a-thaobh leth-bhreith.”

“Tha Comadaidh nam Ministearan toilichte gu bheil an Rìoghachd Aonaichte a’ coimhead air a’ chuspair seo agus gu bheil fios aice gu bheil Gibraltar air cùram an Rìoghachd Aonaichte agus gu bheil seo a’ ciallachadh gu bheil i an urra ri Gibraltar a’ gabhail ris a’ chùmhnant.”

Tha Colin McAllister agus Justin Ryan air phòsadh ann an seirbheis dìomhair aig an Oifis Chlàraidh Chelsea ann an Glaschu.

Thachair an seirbheis dìomhair anns a’ Ghearran agus cha robh ach dithis eile an làthair, Elaine agus Georga Ponte.

Thug iad gealladh-pòsaidh dha chèile san Dùbhlachd nauir a bha iad ag obair air a’ phrògram t.bh. ùr aca, Home Heist.

“An dèidh bliadhna a’ fuireach ann an Toronto, a’ clàradh Home Heist, , bha e sòilleir dhuinn gun robh sinn airson pòsadh,” arsa Ryan. “Tha Canada na nàisean adhartach, fosgailte ri agus a’ cur fàilte air pòsadh LGBT, bha e brosnachail.”

An dèidh an seirbheis, dh’fhalbh iad airson mìos nam pòg anns a’ Chairibìan.

Tha a’ chaismeachd Pride Birmingham air a chur dheth am-bliadhna air sgàth ’s trioplaidean ionmhais.

An àite a’ chaismeachd bidh Pride 2008 a’ fosgladh le fèis a bhios a’ taisbeanadh buidhnean coimhearsnachd.

Thuirt luchd-eagrachaidh gun tèid faireachdainn a’ Phride a ghlèidheadh le dannsairean agus cluicheadairean.

Thèid an tachartas a chumail 24mh - 25mh den Chèitean ann am Birmingham.

Tha Riaghaltas na h-Astràilia air còrr ’s 100 ath-leasachaidhean a dhèanamh gus còraichean co-ionann a thoirt do co-sheòrsaich.

Tha buidheann LGBT air fàilte a chur air na leasachaidhean seo ach tha iad gan càineadh air sgàth ’s nach eil iad a’ dèanamh pòsaidhean LGBT laghail.

Thèid na h-ath-leasachaidhean a chur an gnìomh an ath-mhìos agus bidh iad a’ toirt co-ionannachd do co-sheòrsaich a-thaobh cìsean, peinnsein, agus sochairean.

“Bidh na leasachaidhean seo a’ toirt co-ionannachd do co-sheòrsaich ann an sreath de chuspairean a leithid peinnsein, cìsean, tèarainteach shòisealta, dìoladh an luchd-obrach, agus òrduighean-cungaidh,” ara Àrd-neach-tagraidh Robert McClelland.

“Bidh iad a’ dèanamhdiofar mhòr do Astràilianaich a tha air a bhith a’ fulang leth-bhreith air feadh a’ Cho-fhlaitheas.”

Thuirt am buidheann LGBT Australian Marriage Equality (AME):

“Tha an Riaghaltas a’ dèanamh an rud ceart le bhith a’ dèanamh fòcas air co-ionannachd ionmhais a-mhàin.”

A bharrachd air seo thuirt iad:

“Le bhith ag ath-leasachadh còrr ’s 100 achdan, tha an Riaghaltas a’ toirt rathad iomadh-fhillte airson co-ionannachd a thoirt seachad nuair nach e ach atharrachadh dhen Achd Phòsaidh a tha dhìth.”

Tha Comann Eadar-nàiseanta nan Leasbaich is Co-ghnèithich (ILGA) air aithisg ùr fhoillseachadh a tha a’ sealltainn gu bheil sgàradh mhòr thar an Aonadh Eòrpach ann an làimhseachadh tar-ghnèithich.

Chaidh an aithisg a dhèanamh gus fhaighinn a-mach ciamar a tha seirbheisean-slàinte a’ làimhseachadh tar-ghnèithich agus barrachd fhaighinn a-mach mu dheidhinn leth-bhreith anns an ionad-obrach.

“‘S e seo a’ chiad tùras a tha leth-bhreith agus claon-bhreith an aghaidh tar-ghnèithich thar an Aonadh Eòrpach air a bhith a’ dearbhadh,” arsa Deborah Lambillote, Co-chathraiche Bòrd-stiùiridh ILGA.

“Tha sinn an dòchas gum bi an aithisg seo feumail do luchd-tagraidh agus luchd-iomairt còraichean tar-ghnèithich.”

Faodaidh sibh an aithisg seo leughadh aig:

http://www.ilga-europe.org/europe/publications/non_periodical.

Bidh mìltean de dh’oileanaich nan tost anns na Stàitean Aonaichte an-diugh gus gràin nan co-sheòrsach ann an sgoiltean shoillseachadh.

Thathar an dùil gum bi 500,000 oileanaich agus còrr ’s 6,000 sgoiltean a’ gabhail pàirt anns an tachartas a chiadh ga chur an gnìomh le GLSEN (Gay, Lesbian and Straight Education Network).

Bidh oileanaich aig Oilthigh Sussex anns an Rìoghachd Aonaichte nan tost cuideachd air sgàth ’s gu bheil oileanaich Ameireaganach ann.

Bidh an tachartas a’ tòiseachadh 9m agus bidh sreirbheis Breaking the Silence 5f nuair an sgreuch a h-uile duine aig an aon àm agus bidh cothrom aca a chur am faireachdainnean an cèill.